Bambaló 1-2ja ára 27. júní kl. 11

Ath! Vegna samkomutakmarkana eru nokkrar breytingar á Bambaló tímum næstu vikur. Þetta er gert til þess að gæta fyllsta öryggis.

1. Aðeins 6 pláss eru í hvern tíma og aðeins einn fullorðinn má koma með hverju barni. 
2. Fullorðnir þurfa að gæta að tveggja metra reglunni sín á milli.
3. Í stað þess að sitja þétt í hring erum við dreifð um rýmið, hvert foreldri og barn er með "sína stöð" með sér kassa með dóti, hljóðfærum og námsgögnum sem eru sótthreinsuð á milli tíma. 
4. Allt rýmið er þrifið á milli hópa og snertifletir sótthreinsaðir.

Bambaló eru tónlistartímar fyrir börn 0-5 ára og foreldra þeirra. Hópunum er oftast skipt í 0-1 árs, 1-2ja ára, 2-3ja ára og 3-5 ára. Aldursskiptingin er bara viðmið og það er allt í lagi að skrá barn í hóp sem eru ekki akkúrat aldurshópur barnsins en hentar betur af ýmsum ástæðum. 

​

• Í tímunum lærum við skemmtileg lög, leiki og æfingar sem efla málþroska, hreyfigetu, taktskyn og tóneyra.
• Tímarnir eru ekki síður frábær vettvangur fyrir foreldra að eyða tíma með börnunum sínum, læra eitthvað skemmtilegt sem hægt er að gera saman heima og hitta aðra foreldra ungra barna.
• Tímarnir byggja m.a. á kennsluaðferðum Suzuki og ungbarnanáminu „Early Childhood Education“.
• Hver tími er um 40 mínútur. Eftir kennslustundina gefst tími fyrir foreldra að fá sér kaffi og spjalla.
• Þetta eru opnir tímar, sem þýðir að hægt er að koma í þá tíma sem hentar og borga bara fyrir þá. Hægt er að kaupa "klippikort" með afslætti. Vinsamlegast notið skráningarformið hér að neðan til að skrá ykkur í hvern og einn tíma.

​